ជួលអ្នកអាជីពដែលទុកចិត្ត បង្កើនឱកាសដែលគេមើលឃើញអ្នក
អ្នកអាជីពដែលទុកចិត្តរបស់ទិដ្ឋភាពផ្លូវគឺ៖
- អ្នកទទួលគ្រឿងសម្គាល់ដែលទុកចិត្តរបស់ទិដ្ឋភាពផ្លូវ
- អ្នកចូលរួមចំណែកប្រកបដោយកិត្តិយស ដែលមានរូបថត 360 ចំនួនហាសិបសន្លឹកដែលបានទទួលការយល់ព្រម និងបានបោះផ្សាយ
- រំលេចពិសេសនៅក្នុងសន្ទស្សន៍អ្នកអាជីពសម្រាប់ជួលរបស់យើង
- មានជំនាញក្នុងការប្រើប្រាស់ទ្រព្យដែលមានម៉ាកយីហោជាទីទុកចិត្តសម្រាប់គោលបំណងធ្វើទីផ្សារ
អ្វីដែលត្រូវរំពឹងទុកពីអ្នកអាជីព
សម្រាប់អាជីវកម្មដែលចង់ឱ្យគេឃើញ អ្នកចូលរួមចំណែកទិដ្ឋភាពផ្លូវដែលមានបទពិសោធន៍អាចជួយបង្កើនលទ្ធភាពមើលឃើញអ្នក និងធ្វើឱ្យអ្នកលេចធ្លោឡើងនៅលើ Google ផែនទី។ ប៉ុន្តែមុនពេលអ្នកចូលរួម ការយល់ដឹងអំពីតួនាទីរបស់ភាគីនីមួយៗដែលនឹងដើរតួនៅក្នុងការដោះដូរនេះមានសារៈសំខាន់។
ម្ចាស់អាជីវកម្ម
- ប្រសិនបើអ្នកជួលអ្នកថតរូបដែលទុកចិត្តឱ្យប្រមូលរូបភាពអាជីវកម្មរបស់អ្នក សូមចំណាំថា Google មិនអាចធានាគុណភាពនៃសេវាកម្មរបស់គាត់ទេ។
- ការចរចាទាំងអស់អំពីលក្ខខណ្ឌ សេវាកម្ម និងតម្លៃនៃការថតរូបនឹងធ្វើឡើងរវាងអ្នក និងអ្នកថតរូប។
- ការទូទាត់ប្រាក់ទាំងឡាយសម្រាប់ការទស្សនាបែបនិម្មិត ឬរូបថតគួរតែធ្វើជាមួយអ្នកថតរូបដែលទុកចិត្ត។ គ្មានចំនួនទឹកប្រាក់ណាមួយត្រូវបានទូទាត់ទៅឱ្យ ឬតាមរយៈ Google ឡើយ។
- ប្រសិនបើមានជម្លោះកើតឡើង អ្នកនឹងត្រូវដោះស្រាយជម្លោះនោះជាមួយអ្នកថតរូប ឬទីភ្នាក់ងារនោះ ដោយយោងតាមលក្ខខណ្ឌនៃកិច្ចសន្យារបស់អ្នក។
- ប្រសិនបើអ្នកចង់រាយការណ៍អំពីបញ្ហាណាមួយជាមួយនឹងសេវាកម្មដែលបានផ្ដល់ជូនដោយអ្នកថតរូបដែលទុកចិត្តរបស់ទិដ្ឋភាពផ្លូវ នោះអ្នកអាចធ្វើដូច្នេះបានដោយបំពេញទម្រង់បែបបទនេះ។
ការទទួលសេវាកម្មទិដ្ឋភាពផ្លូវ
ដោយប្រើបច្ចេកវិទ្យា Street View ready អ្នកអាជីពដែលទុកចិត្តអាចថតរូប និងបោះផ្សាយរូបភាពកម្រិតផ្លូវ ដើម្បីធ្វើបច្ចុប្បន្នភាពទិដ្ឋភាពផ្លូវនៅក្នុងសហគមន៍របស់អ្នក។
- ទោះបីជា Google មិនជួលអ្នកថតរូប ឬទីភ្នាក់ងារនានាឱ្យធ្វើការក៏ដោយ ក៏យើងអនុញ្ញាតឱ្យអ្នកចូលរួមចំណែកបោះផ្សាយរូបភាពទិដ្ឋភាពផ្លូវថ្មីៗរបស់ផ្លូវនានាដែរ។ បញ្ជីអ្នកអាជីពដែលទុកចិត្តសម្រាប់ជួលរបស់យើងបង្ហាញអ្នករូបថត និងភ្នាក់ងារនានាដែលបានបង្ហាញពីឯកទេសរបស់ពួកគេ តាមរយៈការចូលរួមចំណែកជារូបភាពដ៏ស្រស់ស្អាតប្រកបដោយគុណភាពខ្ពស់។
- Google បន្តកិច្ចខិតខំប្រឹងប្រែងរបស់ខ្លួនក្នុងការជំរុញឱ្យប្រទេសជាច្រើននាំយករូបភាពដែលធ្វើឱ្យបទពិសោធន៍របស់អ្នកប្រសើរឡើង និងជួយអ្នករកឃើញពិភពនៅជុំវិញអ្នក។ ពិនិត្យមើលកន្លែងដែលយើងទៅបន្ទាប់ ដើម្បីដឹងថាតើយើងនឹងមកដល់កន្លែងអ្នកក្នុងពេលឆាប់ៗនេះឬអត់ ឬទាក់ទងទៅអ្នកអាជីពដែលទុកចិត្ត ប្រសិនបើអ្នកចង់បានរូបភាពថ្មីឆាប់ជាងនោះ។
ស្វែងរកអ្នកអាជីពដែលទុកចិត្តនៅក្នុងតំបន់របស់អ្នក
ចាប់ផ្ដើមដោយស្វែងរកអ្នកអាជីពដែលទុកចិត្តនៅជិតអ្នក។
ទីភ្នាក់ងារ | ទីក្រុង | អ៊ីមែល | លេខទំនាក់ទំនង |
---|
ទីភ្នាក់ងារ | ទីក្រុង | អ៊ីមែល | លេខទំនាក់ទំនង |
---|
*កម្មវិធីបញ្ជាក់ការទុកចិត្តរបស់ទិដ្ឋភាពផ្លូវត្រូវបានបិទជាបណ្តោះអាសន្នសម្រាប់ការចុះឈ្មោះថ្មី។