គោលការណ៍​សម្រាប់​អ្នកថតរូប​ទិដ្ឋភាពផ្លូវ​ដែលទុកចិត្ត

ថ្លៃសេវា និងចំណាយ

អ្នក​ចូលរួមក្នុងកម្មវិធីបញ្ជាក់ការទុកចិត្ត ជាញឹកញាប់គិតថ្លៃសេវាគ្រប់គ្រង សម្រាប់សេវាកម្មដែលមានតម្លៃដែលពួកគេផ្ដល់ឱ្យ ហើយអ្នកទិញរូបភាពគួរតែដឹង ប្រសិនបើពួកគេនឹងត្រូវបានគេគិតថ្លៃលើថ្លៃសេវាទាំងនេះ។ យ៉ាងហោចណាស់ ត្រូវជូនដំណឹងជាលាយលក្ខណ៍អក្សរដល់អតិថិជនថ្មី នៅមុនពេលការលក់លើកដំបូងនីមួយៗ និងបញ្ចេញឱ្យដឹងពីថ្លៃសេវា និងចំណាយដែលមាន នៅលើវិក្កយបត្រអតិថិជន។

វាមានសារៈសំខាន់ជាពិសេសចំពោះអ្នកទិញរូបភាពដែលមានថវិកាតិច -- ពោលគឺអ្នកដែលអាចនឹងមិនមានធនធាន ឬជំនាញដូចអ្នកទិញរូបភាពដែលមានថវិកា​ច្រើន -- ដើម្បីដឹងពីអ្វីដែលពួកគេអាចរំពឹងទុក នៅពេលធ្វើការជាមួយអ្នកថតរូបដែលទុកចិត្តរបស់ទិដ្ឋភាពផ្លូវ។

ការធ្វើជា​តំណាង​ដែល​ស្មោះ​ត្រង់

ក្នុងនាមជាអ្នកចូលរួមនៅក្នុងកម្មវិធីបញ្ជាក់ការទុកចិត្តរបស់ទិដ្ឋភាពផ្លូវ អ្នកមិនត្រូវតំណាងខ្លួនអ្នកក្នុង​លក្ខណៈមួយដែលនាំឱ្យយល់ថាអ្នកត្រូវបានជួលដោយ Google ឡើយ។ បង្ហាញ​ខ្លួន​អ្នក​ដោយ​ស្មោះត្រង់ថាជាអង្គភាព​អាជីវកម្ម​ឯករាជ្យពេញលេញមួយ និងផ្ដល់​ព័ត៌មាន​ដល់អតិថិជនឱ្យដឹងពីតួនាទីមានកំណត់​របស់ Google ក្នុងនាមជា​សេវាកម្ម​បោះពុម្ពផ្សាយ។

ការ​ទទួល​ខុស​ត្រូវ​ជាលក្ខណៈបុគ្គល​

ខណៈ​ពេល​រូបភាព​ដែល​បាន​បោះផ្សាយ​អាច​មើល​ឃើញ​ធម្មតា​នៅ​លើ Google ផែនទី​នៅក្នុងពេល​តែប៉ុន្មាន​វិនាទី រូបភាព​ទាំង​នេះ​អាច​ត្រូវបាន​បដិសេធ​នៅពេលក្រោយ ​ប្រសិន​បើ​រូបភាព​ទាំង​នេះ​មិន​អនុលោម​តាមគោលការណ៍ស្ដីពីខ្លឹមសារដែលចូលរួម​ចំណែក​ដោយអ្នកប្រើប្រាស់ផែនទី ឬលក្ខខណ្ឌ​ប្រើប្រាស់ Google ផែនទីនោះទេ។

• ប្រសិនបើរូបភាពដែលគេជួលឱ្យផលិតត្រូវបានលុបចេញពី Google ផែនទី ការដោះស្រាយបញ្ហានៅតែជាការទទួលខុសត្រូវរបស់អ្នកថតរូប/ទីភ្នាក់ងារ និងម្ចាស់អាជីវកម្ម។
• យើង​សូមណែនាំ​ឱ្យ​អ្នកថតរូប​កែតម្រូវ ឬ​ប្ដូរ​ភ្លាមៗនូវរូបភាពទាំងឡាយណា​ដែល​ផ្ទុយ​នឹង​គោលការណ៍​របស់​យើង និង​ធានា​ថា​រូបភាពទាំងនោះ​ត្រូវ​បាន​អនុញ្ញាត​សម្រាប់ Google ផែនទី ឬ​បើ​មិន​ដូច្នោះ​ទេ ត្រូវ​បង្វិលប្រាក់​ពេញលេញសងទៅឱ្យ​អតិថិជនរបស់ខ្លួន​វិញ​ក្នុង​ករណី​មិនអាច​ដោះស្រាយបញ្ហាបាន។

កម្មសិទ្ធិរូបភាព

យើងសូមណែនាំថានៅពេលអ្នកថតរូប និងម្ចាស់អាជីវកម្មធ្វើទំនាក់ទំនងជាមួយគ្នា ភាគីទាំងពីរចុះកិច្ចសន្យាជាលាយលក្ខណ៍អក្សរមួយ ដែលបញ្ជាក់អំពីលក្ខខណ្ឌនៃកិច្ចព្រមព្រៀង ការធានា និងកម្មសិទ្ធិនាពេលអនាគត។

• កំណត់អ្នកដែលនឹងធ្វើជាម្ចាស់លើរូបភាពបន្ទាប់ពីការថតបានបញ្ចប់។ ប្រសិនបើអ្នកថតរូបនឹងបន្តរក្សាទុកកម្មសិទ្ធិ នោះត្រូវធ្វើឱ្យប្រាកដថាម្ចាស់អាជីវកម្មដឹងអំពីរបៀបដែលពួកគេអាចប្រើប្រាស់រូបភាព ដោយមិនរំលោភលើការរក្សាសិទ្ធិរបស់អ្នកថតរូប។ រូបភាពដូចគ្នាមិនគួរត្រូវបោះពុម្ពផ្សាយពីរដងនៅក្រោមគណនីពីរទេ (ដូចជា គណនីរបស់អ្នកថតរូប និងគណនីរបស់ម្ចាស់អាជីវកម្ម)។

ការអនុលោមតាមច្បាប់

សូមប្រាកដថាត្រូវគោរពតាមច្បាប់ដែលមានជាធរមានទាំងអស់ នៅពេល​បម្រើ​អតិថិជន។ កុំ​ផ្តល់ព័ត៌មានមិនពិតពីជំនាញរបស់អ្នក ឬគុណភាព​ការងារ​ដែល​អ្នក​ធ្វើ។ សូមធ្វើឱ្យប្រាកដផងដែរថា អ្នកមានការធានារ៉ាប់រងសមស្របដែលចាំបាច់ ដើម្បីបំពេញការងារដែលអ្នកត្រូវបានគេជួលឱ្យធ្វើ។

លទ្ធភាពមើលឃើញរូបភាព

Google នឹងចាត់ថ្នាក់រូបភាពនានាដែលមាននៅលើ Google ផែនទី ដោយមិនគិតពីការព្រមព្រៀងតាមកិច្ចសន្យា ឬតាមបែបពាណិជ្ជកម្ម រវាងភាគីទីបី រួមទាំងកិច្ចព្រមព្រៀងរវាងម្ចាស់អាជីវកម្ម និងអ្នកថតរូប។ ការពិតដែលថាម្ចាស់​អាជីវកម្ម​បាន​បង់​ប្រាក់​ឱ្យ​អ្នក​ថតរូបអាជីព​សម្រាប់​ការ​ថតរូប​នឹង​មិនប៉ះពាល់លើរបៀប​ដែល​រូបភាពត្រូវបានចាត់ថ្នាក់ ឬ​បង្ហាញ​នៅលើ Google ផែនទីឡើយ។

គ្មានទំនាស់ផលប្រយោជន៍

កម្មវិធីមួយចំនួនរបស់ Google ជាពិសេសមគ្គុទេសក៍តំបន់ ទាមទារឱ្យអ្នកចូលរួមនៅក្នុងតួនាទីមិនមែនអាជីព (ឧ. អ្នកមិនត្រូវបានផ្តល់សំណងសម្រាប់ខ្លឹមសារដែលអ្នកចូលរួមចំណែកឡើយ)។ ប្រសិនបើអ្នកផ្តល់សេវាសម្រាប់ជួល (ដូចជាការធ្វើទីផ្សារខ្លួនឯងជាអ្នកផ្តល់សេវាដែលទុកចិត្តរបស់​ទិដ្ឋភាពផ្លូវ) ប្រការសំខាន់​នោះគឺអ្នកមិនត្រូវរួមបញ្ចូលកញ្ចប់សេវាអាជីពទាំងនេះជាមួយនឹងសេវាមិនមែនអាជីពណាមួយផ្សេងទៀត ដែលបង្ហាញពីភាពមិនលម្អៀង (ដូចជាសមត្ថភាពរបស់អ្នកក្នុងការផ្ដល់ការវាយតម្លៃដាក់ផ្កាយ ឬផ្ដល់មតិវាយតម្លៃ​ក្នុងនាមជាមគ្គុទ្ទេសក៍តំបន់)។

ការប្រើប្រាស់គ្រឿងសម្គាល់ដែលទុកចិត្ត

• ប្រើប្រាស់តែគ្រឿងសម្គាល់ និងធាតុផ្សំម៉ាកដែលទុកចិត្ត ប្រសិនបើអ្នកជាសមាជិកដែលមានការបញ្ជាក់របស់កម្មវិធីបញ្ជាក់ការទុកចិត្តរបស់ទិដ្ឋភាពផ្លូវ។
• បង្ហាញតែគ្រឿងសម្គាល់ដែលទុកចិត្តជាមួយផ្ទៃខាងក្រោយពណ៌សដែលមានផ្ទាំងសម្រាប់ការពារគ្រប់គ្រាន់ ដោយមិនថាអ្នកបង្ហាញគ្រឿងសម្គាល់នោះនៅទីណាទេ។
• ប្រើប្រាស់តែគ្រឿងសម្គាល់ដែលទុកចិត្ត រួមបញ្ចូលគ្នាជាមួយនឹងឈ្មោះរបស់អ្នក ឬឈ្មោះនិងនិមិត្តសញ្ញា​របស់ក្រុមហ៊ុនប៉ុណ្ណោះ។
• អ្នកអាចប្រើប្រាស់គ្រឿងសម្គាល់ដែលទុកចិត្ត និងធាតុផ្សំម៉ាកនានា នៅក្នុងគេហទំព័រ បទបង្ហាញ សម្លៀកបំពាក់អាជីវកម្ម និងខិត្តបណ្ណការលក់។
• ត្រូវប្រាកដថាគ្រឿងសម្គាល់ និងធាតុផ្សំម៉ាកនេះ មិនមែនជាធាតុដែលលេចធ្លោបំផុតនៅលើទំព័រ/សម្លៀកបំពាក់នោះទេ។
• កុំផ្លាស់ប្ដូរ Google ផែនទី, ទិដ្ឋភាពផ្លូវ ឬ​គ្រឿងសម្គាល់ដែលទុកចិត្ត និមិត្តសញ្ញា ឬម៉ាកជាពាក្យណាមួយ រួមទាំងការបញ្ចូលក្រាហ្វិក ការពន្លាតរូបភាព ឬការបកប្រែ។
• កុំប្រើប្រាស់គ្រឿងសម្គាល់តាមវិធីមួយដែលនាំឱ្យមានការយល់ខុស ឬមានការរំលោភបំពាន។ ឧទាហរណ៍ ការប្រើប្រាស់គ្រឿងសម្គាល់តាមវិធីមួយដែលបង្ហាញថា Google គាំទ្រផលិតផល ឬសេវាកម្មណាមួយ។

នៅពេលលក់សេវាកម្មរបស់អ្នក

• ផ្តល់ជូនរូបថត 360 កម្រិតអាជីព ជាផ្នែកមួយនៃសេវាអាជីវកម្មរបស់អ្នក។
• នៅពេលអ្នកកំពុងប្រាស្រ័យទាក់ទងជាមួយអាជីវកម្មនានា អ្នកមិនត្រូវផ្ដល់ព័ត៌មានមិនពិត ឬលាក់បាំងថាអ្នកជាសមាជិកនៃកម្មវិធីដែលទុកចិត្តទេ។
• កុំលក់ជាកញ្ចប់សេវាកម្មទាំងឡាយដែលអ្នកផ្តល់ជូនសម្រាប់ជួល (ដូចជា ការធ្វើទីផ្សារខ្លួនឯងក្នុងនាមជាអ្នកផ្តល់សេវាដែលទុកចិត្ត​របស់ទិដ្ឋភាពផ្លូវ) ជាមួយនឹងសមាជិកភាពមគ្គុទ្ទេសក៍តំបន់របស់អ្នក។

ការកសាងម៉ាកគេហទំព័ររបស់អ្នក

• កុំប្រើប្រាស់ Google, Google ផែនទី, ទិដ្ឋភាពផ្លូវ, គ្រឿងសម្គាល់ដែលទុកចិត្ត ឬពាណិជ្ជសញ្ញាណាមួយផ្សេងទៀតរបស់ Google ឬអ្វីដែលស្រដៀងនឹងនោះនៅក្នុងឈ្មោះដូមែន។
• អ្នកអាចបង្ហាញគ្រឿងសម្គាល់ដែលទុកចិត្តនៅលើគេហទំព័ររបស់អ្នក។

ការផ្សព្វផ្សាយម៉ាកនៅលើរថយន្តរបស់អ្នក

• នៅពេលធ្វើការបង្ហាញក្រាហ្វិកនៅលើយានជំនិះ អ្នកអាចប្រើប្រាស់តែម៉ាក និងនិមិត្តសញ្ញាផ្ទាល់ខ្លួនរបស់អ្នកប៉ុណ្ណោះ។
• កុំបង្ហាញធាតុផ្សំម៉ាកណាមួយរបស់ Google រួមបញ្ចូលទាំងរូបទិដ្ឋភាពផ្លូវ គ្រឿងសម្គាល់ និងនិមិត្តសញ្ញានៅលើយានជំនិះ។

ការដាក់ម៉ាកនៅផ្នែកខាងក្រោម/ខាងលើនៃរូបភាព 360

• ប្រើប្រាស់និមិត្តសញ្ញា/ឈ្មោះនៃក្រុមហ៊ុនរបស់អ្នកតាមទំហំរបស់ក្រុមហ៊ុនរៀងៗខ្លួន ដូចដែលមាននៅផ្នែកខាងក្រោម/ខាងលើ។ សូមមើលសេចក្ដីណែនាំស្ដីពីគោលការណ៍សម្រាប់លក្ខណវិនិច្ឆយជាក់លាក់នឹង​ទម្រង់ណាមួយ។
• នៅពេលដាក់បញ្ចូលម៉ាកនៅផ្នែកខាងក្រោមនៃរូបភាពរបស់អ្នក ឬនៅលើដំបូលនៃរថយន្តរបស់អ្នក នោះអ្នកត្រូវតែ៖
  • មានការអនុញ្ញាតឱ្យប្រើប្រាស់ម៉ាក។
  • បង្ហាញតែខ្លឹមសារណាដែលពាក់ព័ន្ធតែប៉ុណ្ណោះ (ឧទាហរណ៍ ការផ្សព្វផ្សាយទេសចរណ៍ក្នុងតំបន់) ឬត្រូវបាន​ដាក់កំហិតទៅត្រឹម​ការបញ្ជាក់ម្ចាស់កម្មសិទ្ធិ។
• ក្នុងករណីមានការឧបត្ថម្ភ ឬការបញ្ជាក់ម្ចាស់កម្មសិទ្ធិ នោះម៉ាកដែលបង្ហាញត្រូវតែ៖
  • មិនអមដោយទ្រព្យដែលមានម៉ាកយីហោរបស់ Google។
  • មិនអមដោយភាសា ឬក្រាហ្វិកផ្សព្វផ្សាយណាមួយ (លើកលែងតែវាពាក់ព័ន្ធទៅនឹងទីតាំងដែលបានបង្ហាញ)។
  • រួមបញ្ចូលនូវពាក្យ "បានឧបត្ថម្ភដោយ" ឬពាក្យបកប្រែដែលមានខ្លឹមសារដូចគ្នានេះ។
• កុំប្រើប្រាស់គ្រឿងសម្គាល់ដែលទុកចិត្ត ឬម៉ាកផ្សេងទៀតរបស់ Google នៅផ្នែកខាងលើ/ខាងក្រោមនៃរូបភាព 360 របស់អ្នក (រួមទាំងក្រាហ្វិកនៅលើដំបូលណាមួយដែលកាមេរ៉ារបស់អ្នកអាចនឹងមើលឃើញ)។

ក្រៅពីគោលការណ៍ណែនាំទាំងនេះ សូមប្រាកដថា អ្នកអនុវត្តតាមវិធានរបស់ Google សម្រាប់ការប្រើប្រាស់ត្រឹមត្រូវ លក្ខខណ្ឌរបស់ម៉ាក គោលការណ៍ណែនាំស្ដីពីការប្រើប្រាស់ភូមិសាស្ត្រ និងគោលការណ៍ណែនាំស្ដីពីការប្រើប្រាស់ផ្សេងទៀតទាំងអស់សម្រាប់ពាណិជ្ជសញ្ញារបស់ Google។

ការផ្សាយពាណិជ្ជកម្មអាជីវកម្មរបស់អ្នកនៅលើការផ្សាយពាណិជ្ជកម្មតាម Google

ប្រសិនបើអ្នកមានបំណង អ្នកអាចផ្សាយពាណិជ្ជកម្មអំពីអាជីវកម្មរបស់អ្នកនៅលើការផ្សាយពាណិជ្ជកម្មតាម Google ដោយប្រើប្រាស់ពាក្យ "កម្មវិធីអ្នកថតរូបដែលទុកចិត្ត" នៅក្នុងការផ្សាយពាណិជ្ជកម្មរបស់អ្នក។ សូមចំណាំថា អ្នកមិនត្រូវបានអនុញ្ញាតឱ្យប្រើប្រាស់ម៉ាក "ទិដ្ឋភាពផ្លូវ" នេះដោយផ្ទាល់ ឬម៉ាកណាមួយផ្សេងទៀតរបស់ Google នៅក្នុងការផ្សាយពាណិជ្ជកម្មរបស់អ្នកទេ។

កសាងម៉ាក​សម្រាប់កម្រងព័ត៌មានអាជីវកម្ម​នៅលើ Google របស់អ្នក

ប្រសិនបើអ្នកមានកម្រងព័ត៌មានអាជីវកម្ម​នៅលើ Google នោះមានការរំពឹងថា អ្នកនឹងគោរពតាម គោលការណ៍កម្រងព័ត៌មានអាជីវកម្ម​នៅលើ Google ហើយជាពិសេស គោលការណ៍ណែនាំអំពី​ការតំណាងឱ្យអាជីវកម្មរបស់អ្នកនៅលើ Google។

កុំប្រើប្រាស់ Google, Google ផែនទី, ទិដ្ឋភាព​ផ្លូវ​ ឬពាណិជ្ជសញ្ញា Google ផ្សេងទៀត ឬអ្វីដែលដូចនឹងវាក្នុងនាមជាកម្រងព័ត៌មានអាជីវកម្ម​នៅលើ Google របស់អ្នក។

អ្នកអាចបង្ហោះគ្រឿងសម្គាល់ដែលទុកចិត្តរបស់អ្នកនៅលើកម្រងព័ត៌មានរបស់អ្នក នៅពេលអ្នកទទួលបានឋានៈទុកចិត្ត។

ចំណាំ៖ ប្រសិនបើអ្នកមិនអនុវត្តតាមគោលការណ៍ណែនាំទាំងនេះទេ អ្នកអាចនឹងបាត់បង់ឋានៈរបស់អ្នកនៅក្នុងកម្មវិធីនេះ និងសិទ្ធិប្រើប្រាស់គ្រឿងសម្គាល់ដែលទុកចិត្ត និងធាតុផ្សំម៉ាកផ្សេងៗទៀត។

គុណភាពរូបភាព

• ទំហំ 7.5 MP ឬធំជាងនេះ (3,840 x 1,920 px)
• សមាមាត្ររូបភាព 2:1
• គ្មានគម្លាតនៅជុំវិញរូបភាព
• គ្មានកំហុសក្នុងការភ្ជាប់ដែលគួរឱ្យកត់សម្គាល់
• ភាពលម្អិតគ្រប់គ្រាន់នៅកន្លែងភ្លឺ/ងងឹត
• ភាពច្បាស់មុត៖ មិនព្រាលដោយសារចលនា ស្ថិតក្នុងការផ្ដោត
• មិនមានបែបផែន ឬតម្រងដែលរំខាន រួមទាំងនៅផ្នែកខាងក្រោមរបស់រូបភាព

ការតភ្ជាប់

• គ្រប់រូបថត 360 ដែលភ្ជាប់គ្នាទាំងអស់ត្រូវរក្សាគន្លងដែលអាចមើលឃើញច្បាស់
• ថតក្នុងចម្ងាយ 1 ម៉ែត្រនៅខាងក្នុងអគារ និងរាល់ចម្ងាយ 3 ម៉ែត្រ​នៅខាងក្រៅអគារ
• បង្កើនឱកាសក្នុងការភ្ជាប់ជាមួយយើង ដោយពង្រីកបណ្ដុំរបស់អ្នកនៅតាមផ្លូវ

ភាពសមស្រប

• យល់ព្រមឱ្យបង្ហាញមនុស្ស និងកន្លែង
• ការដាក់ត្រឹមត្រូវតាមទីតាំងភូមិសាស្រ្ត
• គ្មានលំហ ឬបែបផែនពិសេសដែលបង្កើតដោយកុំព្យូទ័រ រួមទាំងបែបផែនឆ្លុះ ឬប្ដូរទ្រង់ទ្រាយរូបភាព
• គ្មានការបញ្ជាក់ម្ចាស់កម្មសិទ្ធិហួស​ផ្នែកខាងក្រោម
• គ្មានខ្លឹមសារស្អប់ខ្ពើម ឬខុសច្បាប់

ខ្លឹមសារមិនសមរម្យ

ខ្លឹមសារដែលហាមឃាត់ និងដាក់កំហិតអាចរកឃើញនៅក្នុង គោលការណ៍ស្តីពីខ្លឹមសារដែល​ចូលរួម​ចំណែក​ដោយអ្នកប្រើប្រាស់ផែនទី។

អ្នកអាចរាយកាណ៍អំពីខ្លឹមសារមិនសមរម្យ ដោយប្រើប្រាស់តំណ "រាយកាណ៍បញ្ហា"។

ការអះអាងមិនពិត បំភ័ន្ត ឬមិនប្រាកដនិយម

យើងចង់ឱ្យអតិថិជនរបស់ក្រុមអ្នកថតរូបដែលទុកចិត្តរបស់ទិដ្ឋភាព​ផ្លូវធ្វើសេចក្ដីសម្រេចចិត្តដោយមានព័ត៌មានគ្រប់គ្រាន់ទាក់ទងនឹងកិច្ចសហការជាមួយក្រុមអ្នកថតរូបដែលទុកចិត្តរបស់ទិដ្ឋភាព​ផ្លូវ ដែលមានន័យថាអ្នកត្រូវតែមានភាពទៀងត្រង់ និងសច្ចភាព នៅពេលពណ៌នាអំពីក្រុមហ៊ុនរបស់អ្នក សេវាកម្មរបស់អ្នក ការចំណាយនានាដែលពាក់ព័ន្ធនឹងសេវាកម្មទាំងនោះ និងលទ្ធផលដែលអតិថិជនរបស់អ្នកអាចរំពឹងទុក។ កុំធ្វើការអះអាងមិនពិត បំភ័ន្ត ឬមិនប្រាកដនិយម។

ឧទាហរណ៍៖

• ការអះអាងមិនពិតពីសម្ព័ន្ធភាពជាមួយ Google
• ការធានាអំពីការដាក់ឱ្យនៅលើគេ នៅលើ Google ទិដ្ឋភាព​ផ្លូវ ឬ Google ផែនទី

អាកប្បកិរិយាបៀតបៀន រំលោភបំពាន ឬមិនគួរឱ្យទុកចិត្ត

អតិថិជនរបស់ទិដ្ឋភាព​ផ្លូវ​គួរតែទទួលបានសេវាដ៏ល្អពីអ្នកថតរូបទិដ្ឋភាព​ផ្លូវ​ដូចដែលពួកគេទទួលបាន ប្រសិនបើពួកគេធ្វើការដោយផ្ទាល់ជាមួយ Google។ កុំប្រើប្រាស់យុទ្ធសាស្ត្របៀតបៀន រំលោភបំពាន ឬមិនគួរឱ្យទុកចិត្តជាមួយអតិថិជនសក្ដានុពល ឬអតិថិជនដែលមានស្រាប់។

ឧទាហរណ៍៖

• ការហៅទូរសព្ទដោយគ្មានការជូនដំណឹងជាមុនម្ដងហើយម្ដងទៀតទៅអតិថិជនសក្ដានុពល
• ការដាក់សម្ពាធហួសហេតុលើអ្នកផ្សាយពាណិជ្ជកម្មឱ្យចុះឈ្មោះ ឬឱ្យនៅបន្តជាមួយទីភ្នាក់ងាររបស់អ្នក
• ការឱ្យអ្នកផ្សេងទៀតប្រឡងយកវិញ្ញាបនបត្ររបស់ Google ជំនួសអ្នក
• ការដាក់នុយ
• ការផ្ដល់ជូនសក្ខីបត្រការផ្សាយពាណិជ្ជកម្មតាម Google ជាថ្នូរនឹងការបង់ប្រាក់

តើមានអ្វីកើតឡើងប្រសិនបើអ្នកបំពានលើគោលការណ៍

ការវាយតម្លៃលើការអនុលោម៖ យើងអាចធ្វើការវាយតម្លៃលើអាជីវកម្មរបស់អ្នកទាក់ទងនឹងការអនុលោមតាមគោលការណ៍អ្នកថតរូបដែលទុកចិត្តរបស់ទិដ្ឋភាព​ផ្លូវបានគ្រប់ពេល។ ប្រសិនបើយើងទាក់ទងទៅអ្នកដើម្បីស្នើសុំព័ត៌មានដែលទាក់ទងនឹងការអនុលោម អ្នកត្រូវតែឆ្លើយតបឱ្យបានទាន់ពេលវេលា និងចាត់វិធានការកែតម្រូវដែលត្រូវការឱ្យបានឆាប់រហ័ស ដើម្បីអនុលោមតាមគោលការណ៍របស់យើង។ យើងក៏អាចទាក់ទងទៅអតិថិជនរបស់អ្នកដើម្បីផ្ទៀងផ្ទាត់ការអនុលោមផងដែរ។

ការ​ជូនដំណឹងអំពីការមិនអនុលោម៖ ប្រសិនបើយើងជឿថា អ្នកកំពុងបំពានលើគោលការណ៍អ្នកថតរូបដែលទុកចិត្តរបស់ទិដ្ឋភាព​ផ្លូវ ជាធម្មតា យើងនឹងទាក់ទងទៅអ្នកដើម្បីស្នើសុំវិធានការកែតម្រូវ។ ប្រសិនបើអ្នកខកខានធ្វើការកែតម្រូវទៅតាមអ្វីដែលបានស្នើសុំក្នុងរយៈពេលដែលបានផ្ដល់ជូន នោះយើងនឹងចាត់វិធានការអនុវត្តន៍។ ក្នុងករណីមានការបំពានធ្ងន់ធ្ងរ ឬម្ដងហើយម្ដងទៀត យើងអាចចាត់វិធានការភ្លាមៗដោយគ្មានការជូនដំណឹងឡើយ។

ការផ្អាកកម្មវិធីភាគីទីបី៖ ការចូលរួមរបស់អ្នកក្នុងកម្មវិធីភាគីទីបីរបស់ Google ដូចជាកម្មវិធីបញ្ជាក់ការទុកចិត្ត​របស់ Google ទិដ្ឋភាព​ផ្លូវ ផ្អែកលើការអនុលោមតាមគោលការណ៍អ្នកថតរូបដែលទុកចិត្តរបស់ទិដ្ឋភាព​ផ្លូវ និងអាចត្រូវបានដាក់កំហិតឬផ្អាក ប្រសិនបើយើងរកឃើញថា អ្នកកំពុងបំពានលើគោលការណ៍របស់យើង ឬប្រសិនបើអ្នកមិនបានសហការជាមួយយើងក្នុងកិច្ចប្រឹងប្រែងវាយតម្លៃអាជីវកម្មរបស់អ្នកលើការអនុលោមទេនោះ។

ការផ្អាកគណនីផែនទី៖ យើងអាចផ្អាកគណនី Google ផែនទីរបស់អ្នកបាន ប្រសិនបើអ្នកបំពានគោលការណ៍ធ្ងន់ធ្ងរ។ ក្នុងករណីមានការរំលោភបំពានម្ដងហើយម្ដងទៀតលើគោលការណ៍ ឬជាពិសេសការបំពានធ្ងន់ធ្ងរ គណនី Google ផែនទីរបស់អ្នកអាចត្រូវបានបិទជាអចិន្ត្រៃយ៍ ហើយអ្នកប្រហែលជាមិនអាចចូលរួមចំណែកជាមួយ Google ផែនទីបានទៀតទេ។ លើសពីនេះទៀត យើងអាចទាក់ទងទៅអតិថិជនរបស់អ្នក ដើម្បីជូនដំណឹងពួកគេតាមជាក់ស្ដែង។

រាយការណ៍ការបំពានលើគោលការណ៍ភាគីទីបី

តើអ្នកគិតថាដៃគូភាគីទីបីកំពុងបំពានគោលការណ៍នេះឬ? ប្រាប់យើងឱ្យដឹង៖

• រាយការណ៍អំពីខ្លឹមសារមិនសមរម្យ
• សម្គាល់កម្រងព័ត៌មានអ្នកប្រើប្រាស់មិនសមរម្យ
• រាយការណ៍បញ្ហានានាជាមួយអ្នកថតរូបដែលទុកចិត្តរបស់ទិដ្ឋភាព​ផ្លូវ